Usa ang gikatahong patay ug adunay laing tulo ang gidala pa sa hospital human nadisgrasya ang usa ka ambulansya sa Barangay Tulic, lungsod sa Argao sa may ala 1:00 sa kahapunon Huwebes, Hunyo 13, 2024.
Matud pa sa inisyal nga imbestigasyon, gikan pa kini sila naghatod ug pasyente ang maong ambulansya sa dakbayan sa Cebu City ug paingon na unta kini sa pantalan aron sa pagpauli na dinhi sa Dipolog City,Zamboanga del Norte ug sa dihang wa damha nga naaksidente kini.
Saysay pa sa mga nakasaksi ang maong ambulansya kusog ang pagpadagan ug nabuthan kini sa ligid,hinungdan nga natuyok kini sa makaduhang higayon ug nabalintong ug nadat ugan ang usa sa empleyado nga sakay niini,hinungdan sa kamatayon sa biktima.
Sa pagkakaron padayun pa ang gihimong imbestigasyon sa Argao Police station mahitungod na sa hitabo. (Angelica T. Obina)
(Source: PDRRMO ZN)