Gipahigayon kagahapon, Oktubre 20, 2025, sa Dapitan City Cultural Center ang ayuda para sa kapos ang kita program o Akap payout diin gatusan ka residente ang nakadawat og pinansyal nga tabang gikan sa Department of Social Welfare and Development kon DSWD.
Gipangunahan kini sa DSWD uban ang pakigtambayayong ni gobernador Darel Dexter Uy, kongresista Roberto “Pinpin” Uy, ug sa lokal nga gobyerno sa Dapitan. Gitumong sa programa nga matabangan ang mga pamilya nga apektado sa kalisod, taas nga presyo sa palaliton, ug kakulang sa panginabuhian.
Gidasig ni gobernador Uy ang mga benepisyaryo nga gamiton sa hustong paagi ang ayuda ug ipuhunan kini sa gamay’ng negosyo. Ang Akap Program nagpadayon sa paghatag og kahupayan sa mga kabus nga pilipino, ilabi na sa mga kabaryuhan.(Jeniffer Jr. Delica)
Source/Photo Courtesy: Zamboanga del Norte Provincial News Network