Bisan paman sa pagpanghakog sa kadagkuan opisyales nga magamit ang covered court,malampuson pa gihapong napahigayon ang Agri-Ayuda ug Medical Outreach Program sa barangay Mangilay, Siayan, Zamboanga del Norte. Alayon niini, nagpasalamat si Mr. Romulo Tileb, residente sa Mangilay kang Governor Rosalina “Nanay Nene” Jalosjos tungod sa pagdala sa nanag-unang serbisyo sa ilang barangay, bisan pa man sa kalayo sa niini gikan sa dakbayan sa Dipolog. Lakip sa nalambigit sa maong ang Provincial Social Welfare and Development Office (PSWDO), Provincial Health Office (PHO), Office of the Provincial Agriculturist (OPAg), ug ProVet.
Dos mil (2000) ka mga Mangilayon ang nakadawat ug tag-3 kilos nga bugas gikan sa PSWDO, ingon libreng lugaw; 165 ang nakapahimulos sa libreng konsultasyon, ug 41 ang naibtan ug ngipon ug nahatagan ug libreng tambal sa PHO. Ang OPAg nanghatag ug 260 ka paketeng sa binhi sa mais, ingon man liso sa nagkalain-laing matang sa mga utanon, samtang ang ProVet nanghatag ug purga ug bitamina sa mga binuhing hayop.
Ang Ayuda Team nga gipanguluhan nila ni Provincial Agriculturist Ms. Maybel Bustaliño ug Provincial Health Officer Dr. Eduardo Luayon Jr. ug Ayuda Focal Person Mr. Jervis Jalosjos mainitong gidawat ni Siayan Vice-Mayor Atty. Josecor Gepolongca, kinsa modagan pagka-mayor ug Kagawad Rey Anugon nga modagan usab pagka-bise mayor sa lungsod sa Siayan. Misaksi ug nakighimamat sa taga-Malingay si Kanhi Provincial Administrator Mr. Wilberth “Gaw Jojo” Magallanes nga modagan pagka-bise Gobernador karong umaabot nga eleksyon, Board Member Atty. Jasmin Pinsoy-Lagutin, Atty. Ricky Mejorada ug Atty. Clyde Naong.
Bisan pa man sa iyang gibating kalipay nga naka-abot sa Mangilay ang maong ayuda ug serbisyo gikan sa kagamhanang-probinsyal, nangayo pa gihapon ug pasaylo si Vice-Mayor Gepolongca sa katawhan ug sa nagdala sa maong serbisyo nga sa daplin lang sa kalsada ug taboan gipahigayon ang maong kalihokan.(Angelica T. Obina)
(Source:PIC-ATRuda)