Mipadayag sa ilang dakong pagpasalamat ang tropa sa 97th IB sa pagpangulo ni Battalion commander Lt. Col. Nolasco B. Coderos Jr. Infantry GC PA, nga nakabase sa Del Pilar Piñan, Zamboanga del Norte, sa walay hunong nga suporta ni Governor Rosalina ‘Nanay Nene’ Jalosjos, alang sa mga kanhi rebelde o (Friends Rescued), human gihatagan ug pagtagad ang ilang hangyo pinaagi ni Provincial Administrator Atty. Dug Christoper B. Mah, Septyembre 21, sa Capitol Building, Dipolog City.
Ang administrasyon ni Nanay Nene, mihatag sa mga school supplies, sapatos, sanina, duyan, shorts, bugas ug uban pa, ngadto sa unit, alang sa mga rebel returnees o friends rescued sa ZaNorte.
Matod pa ni 1st Lt. Denmark Enriquez, Newly Installed Delta Company Commander sa 97th IB, nga dali maduol ug maabi-abihon si Atty Mah, ug adunay kaluoy sa mga kanhi rebelde nga wala nagmakuli sa pagtabang ug paghata’g ayuda sa mga nagkinahanglan.
Dugang pa, dako ang ilang pagpasalamat sa administrasyon ni Governor Nene Jalosjos sa suporta niini, tungod kay kulang ang kahinguhaan sa militar alang sa malahutayong panginabuhian sa mga rebel returnees.
Misuporta usab si Governor Nene, sa ipahigayong Cafgu Active Auxiliary (CAA II) Training sa unit karong Septyembre 26, ning tuig, sa 97th IB Head Quarters. Kini makatabang sa pag-usbaw sa seguridad sa probinsya human unya sa ilang pagkompleto sa Basic Military Training.
Niini, mipasalig ang 97th IB, sa bug-os nga suporta sa tropa sa bisan unsang tabang nga pangayuon sa katawhan sa probinsya 24 oras.
(Source: Provincial Information Center Zanorte Facebook Page)