Miduyog sa nationwide campaign isip pagsuporta sa pagsaulog sa 18-Day Campaign to End Violence Against Women (VAW) ang buhatan sa 97th Infantry (KALASAGLAHI) Battalion, 1st Infantry (Tabak) Division, Philippine Army nga gipahigayon niadtong Nobyembre 24, 2025 didto sa ulohang buhatan sa Barangay Del Pilar Piñan Zambonga del Norte.
Gipangunahan ang maong seremonyas sa bag-ong commanding officer sa 97th IB nga si Lieutenant Colonel Jessie G. Bergonia, uban sa unit enlisted personel nga mga opisyalis.
Si Master Sergeant Moises R. Polinar, Battalion Sergeant Major, kinsa nangulo sa pagbasa sa Pledge of Commitment, usa ka pagpamatuod pag-usab dedikasyon sa yunit sa pagtabang sa pagtapos sa kapintasan batok sa kababayen-an pinaagi sa pagsuporta sa maong nasudnong adbokasiya.
Usa kini ka pagpasiugda sa katungdanan sa matag sundalo sa pagtahod, pagpanalipod, ug pagsuporta sa mga katungod ug dignidad sa tanang babaye.
Sa samang higayon si LtCol Bergonia, opisyal nga mipadayag sa mensahe sa Commanding General, Philippine Army, nga matod pa makanunayon nga gipasiugda ang pasalig sa Army sa pagpalambo sa usa ka luwas, matinahuron, ug walay kapintasan sulod ug sa gawas sa organisasyon nga naglambigit ngadto sa mga kababayen-an.
Sa laing bahin, ang tanang lalaki nga mga personahe gidasig usab ni LtCol Bergonia magpabiling matinud-anon, matinahuron, ug responsable nga mga kauban, nga nagpasiugda nga ang pagpakgang sa VAW magsugod sa disiplina, integridad, ug gipaambit nga responsibilidad sa ilang mga panimalay, trabahoan, ug komunidad.
Gipakita niini nga kalihokan ang lig-on nga pasalig sa batalyon sa pagpataas sa kahibalo ug pagpasiugda sa makahuluganon nga mga aksyon nga mapanalipdan gikan sa unsang matang sa kapintasan ang mga kababayen-an.(MEDALYN U. BORJA)
Source: 97th IB KALASAGLAHI BATALLION