Malampusong gipahigayon sa Local Government Unit sa Gutalac ubos sa pagpanguna ni Mayor Eddie Justin Quimbo, sa pakigtambayayong sa XAES FI, ang DOLE TUPAD Pay-out alang sa 85 ka Gutalacnons nga benepisyaryo, niadtong Marso 16, 2026.
Kini nga programa naghatag og dakong tabang sa mga indibidwal nga nanginahanglan og panandaliang trabaho ug dugang kita aron masuportahan ang ilang panginabuhi.
Pinaagi sa TUPAD, ang mga benepisyaryo nakabaton og oportunidad nga makatrabaho samtang nagdawat og pinansyal nga suporta, nga nakatabang sa ilang adlaw-adlaw nga panginahanglan. Kini usa ka paagi sa paghatag og dignidad sa pagpanarbaho ug pagdasig sa komunidad nga magpadayon bisan pa sa mga kalisdanan.
Nagpasalamat usab ang LGU Gutalac sa XAES FI sa ilang bililhong pakig-uban sa pagpatuman sa maong programa. Nagpamatuod kini nga kung magtinabangay ang lokal nga gobyerno ug mga organisasyon, mas daghan pa ang mahatag nga serbisyo ug benepisyo sa katawhan.(IKEN B. GULLEM)
Source: LGU GUTALAC-PUBLIC INFORMATION