65 ka mga coconut farmers ang nakadawat og pinansyal nga insentibo gikan sa Philippine Coconut Authority (PCA) isip suporta sa ilang pag-apil sa Participatory Coconut Planting Project o PCPP kaniadtong Septiyembre 14,2026.
Ang matag partisipanteng mag-uuma adunay katungod sa kinatibuk-ang ₱13,585 nga insentibo matag ektarya, nga gibase sa ₱95 kada coconut seedling nga malampusong natamnan ug nakatuman sa mga gikinahanglang kondisyon sa programa.
Dili usa ka higayon ang pag-release sa insentibo, kondili gibahin kini sa tulo ka hugna nga mokabat sa ₱35, ₱25 ug ₱35 kada seedling, depende sa pagkompleto sa mga yugto sa pagtanom ug sa pag-verify sa compliance sa mga mag-uuma.
Gilauman nga ang maong insentibo makadasig sa dugang nga pagtanom og lubi ug pagpalapad sa mga umahan nga mahimong tinubdan sa dugang panginabuhian sa mga mag-uuma sa Dipolog.
Pinaagi sa PCPP, gipadayon sa PCA ang paghatag og suporta sa mga coconut farmer samtang gipalig-on ang paningkamot sa pagdugang sa produksyon ug pag establisar og bag-ong coconut plantations sa siyudad.(MEDALYN U. BORJA)
Source: Pca Zdn