Balhog sa prisohan ang usa ka Senior Citizen nga lalaking 63 anyos, tungod sa kasong Qualified Theft of Coconuts, pinaagi sa pag-serve og Warrant of Arrest sa mga kapulisan sa Dapitan City Police Station (DCPS), niadtong nakalabay’ng adlaw ning bulan sa Hulyo ning Tuig 2025.
Giila sa Dapitan Pnp ang dinakpan sa alyas nga Berto, adunay asawa ug Lumolupyo sa Barangay San Nicolas sakop sa Dakbayan sa DapitaN ning Probinsiya sa Zamboanga Del Norte, diin gisikop ang naasoy nga Suspect, tungod kay nalutsan kini Warrant of Arrest nga naka Doket ubos sa Criminal Case Number 28061, nga giisyu ni Felin Revelo Legara-Comidoy, Presiding Judge sa Regional Trial Court, Branch 8, Dipolog City, Zamboanga Del Norte, penitsahan og Hunyo 24, 2025.
Bisan paman sa kasong giatubang sa nasangpit nga suspetsado, gitogutan kini sa korte nga maka angkon sa iyang temporaryong kagawasan, pinaagi sa pagtunol og kantidad nga Php10,000.00 isip pyansa sa salaod nga iyang atubangon sa korte.
Sa pagka karon ang dinakpan atua na ubos sa kustodiya sa Dapitan City Police Station (DCPS) alang na sa tukmang Disposasyon.(Julius Esmade)
Source: DAPITAN CITY POLICE STATION