Nasikop sa gikasa nga search warrant sa mga personahe sa Salug MPS ,uban sa koordinasyon sa 901st RMFB ug 2nd ZNPMFC, ang usa ka 60 anyos nga High Value Individual (HVI) ,niadtong Agosto 5, 2025,mga alas 6:50 ang takna sa kabuntagon didto sa Purok 4, Barangay Ramon Magsaysay, Salug, Zamboanga del Norte.
Ang dinakpan nailhan nga usa ka 60-anyos,Lalaki,minyo nga residente sa nasangpit nga lugar,usa ka HVI ug surrenderee gidakop kini tungod sa paglapas sa Republic Act 9165 (paghupot sa ilegal nga droga) ubos sa Search Warrant No. 2025-07-002, nga gi-isyu kaniadtong Hulyo 29, 2025 ni Hon. Wendy Josephine A. Pamor sa RTC Branch 8, Liloy.
Nasakmit gikan sa suspek ang gibana-banang 5 gramos sa gituohang shabu, nga mobalor sa P34,000, uban sa nagkadaiyang drug paraphernalia.
Ang suspek pormal nga gipahibalo sa iyang mga katungod sa konstitusyon ug gi-imbentaryo ang tanang nasakmit nga mga butang ug isumiter kini sa Zamboanga del Norte Provincial Forensic Unit alang sa eksaminasyon.
Samtang ,ang suspek temporaryong naka kustodiya sa Salug MPS, samtang nagpaabot sa tukmang disposasyon subay sa balaod.(Medalyn U. Borja)
Source: ZNPPO