Gipangunayan mismo sa pagtunol sa Mayor sa Dapitan, pinaagi ni Mayor Belen Uy, ang mga Family Food Pack, ngadto sa 50 ka Pamilya, didto sa Purok Matagobtob ug sa Purok Malinawon, nga parehong sakop sa dakbayan sa Dapitan, niadtong nakalabay’ng adlaw Agusto 18, 2025.
Nasayran, nga ang nahisgutang pagpang-apod-apod sa naasoy nga mga Family Food Pack, tungod niadtong mga pamilya nga naapektohan sa bag-ohay palang nga mga pagbaha, gumikan sa nasinatian nga Easterlies. Dugang pa niini, nga ang mao nalang aktibidad, nagmalampuson, tungod sa lig-on nga suporta sa City Social Welfare and Development Office (CSWDO) ug ang pagpakig-alayon usab sa City Disaster Risk Reduction and Management Office (CDRRMO), sa dakbayan sa Dapitan.
Matud pa, nga gisingkamotan karon sa administrasyon ni Mayor Uy sa Dapitan, nga maseguro niini ang pagtugyan sa mga nanag-unang panginahanglanon sa mga Dapitanon, alang sa mga Pamilya nga ilang girepresentaran, diin dili na kinahanglan pa nga mobiya sa ilang pinuy-anan, tungod sa ilang mga nasinatian nga kalisod, tungod sa maot nga panahon, maong ang programa na mismo sa maong dakbayan, ang moduol ngadto sa ilang mga dapit o pinuy-anan.(Julius Esmade)
Source: CITY GOVERNMENT OF DAPITAN