Misalmot ug misunod sa “Duck, Cover, and Hold” nga prosedyur ang mga empleyado sa City Government atol sa pagdumala sa 4th Quarter Simultaneous Nationwide Earthquake Drill nga gipangulohan sa City Disaster Risk Reduction and Management Office (CDRRMO) niadtong Nobyembre 6, 2025, Dipolog city.
Gipahigayon ang drill sa ilang tagsa-tagsa ka buhatan aron ihasa ang mga empleyado sa hustong lihok panahon sa kusog nga linog. Ang maong pamaagi maoy standard operating procedure sa nasod ug nagtumong sa pagpalig-on sa kahandam ug seguridad sa publiko.
Pinaagi sa maong kalihukan, padayon nga gipadako sa CDRRMO ang kahibalo ug kahandam sa mga empleyado sa pag-atubang sa emerhensya, ilabi na sa gidaghanon sa linog nga kasagaran moigo sa rehiyon.(IKEN B. GULLEM)
Source: Dipolog CIty Government