Nasikop ang usa ka lalaki, atol sa gipahigayon na joint law inforcement operation sa mga kapulisan didto sa Barangay Liyang, Dapitan City, niadtong Hulyo 31, 2025.
Ang dinakpan usa ka 49-anyos ug residente sa Barangay Potungan, sa maong dakbayan kinsa gisikop tungod sa kasong Psychological Violence ilawom sa Republic Act No. 9262 ug Economic Abuse.
Ang maong operasyon gipangulohan sa Dapitan City Police Station (CPS), kauban ang 5th Special Operations Unit – Maritime Group (5th SOU MG) ug 901st Maneuver Company sa Regional Mobile Force Battalion 9 (RMFB9).
Ang pagkasikop gihimo pinaagi sa warrant of arrest nga gi-isyu sa Family Court, 9th Judicial Region, Branch 4, Dapitan City, Zamboanga del Norte, nga adunay gi rekomendar nga piyansa nga Php 72, 000.00.
Ang suspetsado anaa na karon sa kostudiya sa Dapitan City Police Station alang sa tukmang disposisyon. (Jumalisa Papa)
Source: Dapitan CPS
Insa kaayo psychological violence how it could it harm a person .