Mikabat sa 48 ka mga CSO Desk Officer sa probinsya sa Zambonga del Norte ang mipailawom sa gitanyag nga Refresher Course niadtong Oktubre 15,2025, didto sa GAB Hotel, Liloy Zamboanga del Norte alang sa pagpalig-on sa ilang Participatory Governance.
Ang maong kalihokan gihimo ubos sa pagdumala sa Department of the Interior and Local Government (DILG) Region IX,diin tumong niini nga pauswagon pa ang ilang tahas nga makapalambo sa participatory governance ug citizen engagement isip mahinungdanong sumpay tali sa mga Local Government Units (LGUs) ug Civil Society Organizations (CSOs).
Ang Mayor sa dakbayan sa Dipolog nga si City Mayor Roberto Uy, mao ang pormal nga miabli sa programa ug mihatag og gibug-aton sa kamahinungdanon sa kolaborasyon nga nagsuhid sa mga estratehiya aron mapalig-on ang partisipasyon sa CSO sa pagdumala.
Kini usa ka pagsiguro nga ang mga tingog sa komunidad makita diha sa lokal nga mga plano sa kalamboan nga nagpakita sa mga partisipante nga aktibong mipaambit sa mga kasinatian, naghisgot sa matang sa mga hagit.(Medalyn U. Borja)
Source: DILG Region 9