Arestado ang usa ka 45 anyos nga babaye atol sa gikasa nga joint manhunt operation sa mga operatiba mga alas 4:00 ang takna sa hapon niadtong Pebrero 11,2026 didto sa Brgy. Dawo, Dapitan, Zamboanga del Norte.
Ang maong dinakpan naila nga si alyas “Cindy” 45 anyos, babaye, balo, walay trabaho, ug residente sa Brgy. Galas, ning dakbayan sa Dipolog nalista isip Other Wanted Person kinsa gidakop pinaagi sa mga personahe sa Dapitan City Police Station (Lead Unit) uban sa mga operatiba sa 5th SOU Mabuhay SBC, ZN MARPSTA, 901st MC, RMFB9 ug 1st ZNPMFC.
Ang pagdakop gihimo pinasikad sa Warrant of Arrest nga gi-isyu niadtong Pebrero 4, 2026 ni Hon. Si Abraham Sindatoc Marcaban, Presiding Judge, RTC, Branch 11, Ninth Judicial Region, Sindangan, Zamboanga del Norte, alang sa Upat (4) ka Kasong Panglimbong (Estafa) nga adunay girekomendar nga piyansa nga balor sa Php 252,000.00.
Ang dinakpan gipahibalo sa hinungdan sa iyang pagkadakop ug katungod sa konstitusyon ug anaa na kini karon sa kustodiya sa Dapitan City Police Station alang sa hustong disposisyon.(MEDALYN U. BORJA)
Source: ZNPPO