Nasikop sa gikasa nga operasyon sa mga personahe sa kapulisan ang usa ka 44 anyos nga Lalaki, didto Purok Violeta, Barangay Dicayas, ning dakbayan sa Dipolog mga 2:40 sa hapon,niadtong Oktubre 7, 2024.
Ang dinakpan naila nga usa ka 44 anyos Lalaki, minyo, ug residente sa Purok Violeta, Barangay Dicayas, ning dakbayan sa Dipolog kinsa nagbaligya sa smuggled nga sigarilyo.
Nasikop kini pinaagi sa Tracker team sa Dipolog CPS ug nakumpiska ang kinse (15) ka ream sa New Berlin Red nga adunay standard market value nga nga kapin sa P17,190, P500 peso bill, ug usa ka unit nga Backpack colored green.
Ang mga nakumpiska nga butang giturn-over sa investigation section, samtang ang dinakpan nga suspek gipahibawo sa iyang katungod sa konstitusyon ug ditenado na karon sa kostudiya sa Dipolog CPS alang sa tukmang disposisyon. (Medalyn U. Borja)
(Source: Dipolog CPS)