Sikop sa gipahigayon nga anti-illegal fishing operation sa mga personahe sa Sibutad MPS ang usa ka 43 anyos nga mananagat nga alas 10:30 ang takna sa buntag Abril 1,2025
Ang suspek naila nga si Elinio Baril Odantabao l,43 anyos ,lalaki, mananagat ug residente sa Barangay Kanim, Sibutad, Zamboanga del Norte, kinsa nasakpan sa akto nga naggamit ug illegal nga fishnet nga nailhang “3 Ply Trammel Net,nga nakalapas sa Section 45, Article D of Municipal Ordinance No. 007, Series of 2014.
Nasakmit atol sa operasyon mao ang usa ka light blue nga paddle boat nga gibana-banang 10 feet ang gitas-on, usa ka 400 metros nga fine fishnet, usa ka kahoy nga paddle, ug gibana-bana nga duha ka kilo nga isda nga nagkantidad ug P10,000.00.
Ang nakumpiska nga mga butang ug isda gi-turnover sa Municipal Agriculture Office alang sa tukmang disposisyon,
Samtang ang dinakpan gibuhian human makabayad sa gitakdang piyansa nga balor sa Php 500.00.(Medalyn U. Borja)