Arestado sa kapulisan ang usa ka 42 anyos nga lalaki kinsa nag atubang ug kasong paglapas sa Republic Act No. 9262 (Anti-Violence Against Women and Their Children Act of 2004), niadtong Disyembre 3,2024 sa may alas 3:30 sa hapon.
Naila ang akusado nga si Fernando Abe Omecnol, nga residente sa Barangay Macasing, Siayan, Zamboanga del Norte, tungod sa paglapas sa Section 5(i) sa Republic Act No. 9262 (Anti-Violence Against Women and Their Children Act of 2004).
Gidakop kini pinaagi sa mga personahe sa Siayan Municipal Police Station ubos sa warrant nga giisyu ni Hon. Reymar L. Lacaya, Presiding Judge sa Ninth Judicial Region, Branch 11, Sindangan, Zamboanga del Norte pinetsahan Marso 15, 2017, may kalabotan sa Criminal Case Number S-5558, nga adunay girekomendar nga piyansa nga Php 60,000.00 alang sa temporaryo nga kagawasan sa akusado.
Ang suspek gipahibalo sa iyang katungod sa konstitusyon, lakip ang Miranda Warning ug anaa na sa pagkakaron anaa siya sa kustodiya sa Siayan MPS alang sa saktong disposisyon ug pagpasaka sa tukmang legal nga aksyon. (Medalyn U. Borja)
(Source: ZNPPO)