Sikop sa gikasa nga anti-illegal gambling operation sa mga operitiba ang 4 ka indibidwal kinsa nalambigit sa ilegal nga sugal nga “Tong-its”, didto sa Nilabo, Rizal, Zamboanga del Norte, mga alas 4:20 ang takna sa hapon,Oktubre 20,2024
Ang mga dinakpan naila nga usa ka 65-anyos, minyo ug mag-uuma, 48-anyos nga negosyante, 62-anyos nga housekeeper nga dunay live-in partner, ug usa ka 60-anyos nga fish vendor.
Nasikop kining mga suspek pinaagi sa mga personahe sa Rizal Municipal Police Station ug nasakmit ang usa ka set sa playing cards, bet money nga nagkantidad og P30.00 ug 181 ka convertible chips.
Ang mga suspek gipahibalo sa ilang mga katungod sa konstitusyon, lakip na ang Miranda rights ug anti-torture warning law, ug anaa na sa kustodiya sa Rizal MPS alang sa tukmang disposisyon. (Medalyn U. Borja)
(Source: ZNPPO)