Malampusong napahigayan ang “3rd Quarter Meeting sa Local Council for the Protection of Children (LCPC), Local Council Against Trafficking-Violence Against Women and their Children (LCAT-VAWC) ug City Inter-Agency Council (CIAC)”,nga gipahigayon sa Museo ning dakbayan sa Dipolog sa may alas 2:30 ang takna sa kahapunon,adlawng Miyerkules,Oktubre 16,2024.
Ang buhatan sa City Social Welfare and Development Office, pinaagi ni Acting City Social Welfare and Development Officer, Mr. Patrick S. Jalapadan uban sa iyang kapunongan ang nanguna sa maong meeting diin gisalmotan kini sa Bise Mayor ning dakbayan sa Dipolog nga Vice Mayor Senen O. Angeles kinsa nag representar sa Mayor ning dakbayan nga si Mayor Darel Dexter T. Uy.
Gituki sa maong meeting mao ang pagpangandam alang sa pagsaulog sa umaabot nga Children’s Month Celebration nga ipahigayon karong umaabot Nobyermber 4 ning tuiga diin tentatibo kining pagabuksan.
Lakip sa mga gipanghisgotan mao ang kabahin sa Drop-in Center for Children 3rd Quarter Statistical Report, Juvenile Justice Management Information System (JJMIS),Update kabahin sa kahimtang sa VAWC cases gikan sa bulan sa Enero hangtud Septembre, karong tuiga, 18-day Campaign to end Violence Against Women and their Children, ug daghanan pa.
Lain-laing buhatan ug ahensya,sa Lokal ug nasudnon ang nisalmot usab kinsa LCPC member ning dakbayan sa Dipolog. (Medalyn U. Borja)
Source: Dipolog City Government