Gipahigayon niadtong Nobyembre 5,2024 didto Plenary Hall Convention Center, dakbayan sa Dipolog ang 3rd Quarter Meeting, usa ka panagtigom nga gidumala sa Provincial Solid Waste Management Board (PSWMB) ,pagpakusog sa kampanya alang sa pagdumala sa solid waste dinhi ning probinsya sa Zamboanga del Norte.
Ang Gobernador ning lalawigan sa Zambonga del Norte nga si Gobernador Rosalina “Nanay Nene” G. Jalosjos, mipadayag sa iyang mensahe pinaagi ni Mr. Alex V. Barrera CDO-II,nagkanayon sa paghatag ug kasulbaran sa mga hagit kabahin sa solid waste management nga maoy nag una sa paghatag ug sulosyon nga makatabang sa tibuok probinsya
Si DILG –Zamboanga Del Norte Provincial Director Mr. Oliver B. Ombos,nipasabot usab kabahin sa pagsunod sa inisyatiba sa Solid Waste Management niining nagkadaiyang Lokal nga kagamhanan ning probinsya ug kinatibuk-ang pagpatuman sa Solid Waste Management nga makaayo sa probinsya.
Sa samang higayon aduna usab gihimo nga presentasyon si Mr Alex V. Barrera CDO – II alang sa gihatag nga feedback gikan sa tagsa-tagsa ka LGUs sa draft sa “Procedural Guidelines on the Establishment and Operation of Materials Recovery Facilities for Non-Hazardous Municipal Waste and the Procedural Guidelines governing Residual Containment, Pagpalambo ug Pagdumala sa Sanitary Landfill.
Dugang pa plano usab niini ang pagpahigayon ug cross visit sa LGUs nga adunay Best Practices sa SWM sa tibuok nasyon,aron ang sistema niini hingpit nga masabtan.(Medalyn U. Borja)
Source: Provincial Government of Zambonga del Norte