Naangol ang tigpayuhot og ginadiling drugas human nisukol sa gipahigayon nga buy-bust operasyon sa kapulisan.
Nahitabo kini Kagahapon pasado alas 10:50 sa buntag Nobyembre 6, 2024, didto sa Brgy. Gairan, Dakbayan sa Bogo, Sugbo.
Ang suspetsado giila sa Bogo City Police City Police Station na mao si Jersen Kier Lepiten, 29-anyos taga Purok Lupit, Brgy. Nailon, sa mao rang siyudad.
Nadakpan usab ang kauban niini nga mao si Jaylord Cadlawon, 35-anyos, taga Purok Cuba, Brgy. Libertad, sa mao ra nga dakbayan.
Sa imbestigasyon sa kapulisan nasayran nga ang duha ka mga suspetsado nagpayuhot og gnadiling drugas sa maong lugar sakay sa motorsiklo na wala sila ka bantay nga pulis ang ilang gibaligyaan sa drugas.
Human sa paghatag sa drugas nakabantay si Lepiten nga pulis ang iyang gibaligyaan na maoy hinungdan nga nibunot kini sa iyang armas.
Sa inilugay napusilan sa pulis ang suspetsado ug dali usab nga nisibat ang drayber sa motor apan nasikop kini sa laing pulis.
Mga pinakiting shabu ug 45 nga armas ang na sakmit gikan sa mga suspetsado.
Sa pagkakaron giandam na ang kasong kalapasan sa Sec 5 ug Sec 11 sa Article II sa RA 9165 ug kasong kalapasan RA 10591.
Source: Bogo City Police Station
I via Renante Socia Lada and Ting Joe Pepito