Dakpan ang usa ka 37 anyos nga Street Level Individual atol sa gikasa nga drug buy-bust operation sa mga personahe sa kapulisan mga alas 12:34 hangtod alas 2:00 ang takna sa kadlawon, niadtong Pebrero 8,2026 didto sa Purok Lawaan, Brgy. Banonong, Dapitan, Zamboanga del Norte.
Ang maong dinakpan nga drug suspek naila nga si alyas “Bert” 37 anyos, lalaki, ulitawo, negusyante ug residente sa Brgy. Bagting, Dapitan, Zamboanga del Norte.
Ang pagkadakop sa suspek gihimo sa mga operatiba sa CDET sa Dapitan CPS (lead unit) uban sa mga personahe sa Mabuhay SBC 5TH SOU MG pinangulohan sa 1st ZNPMFC sa kasong paglapas sa Section 5 ug 11 Art II sa RA 9165.
Atol sa operasyon nakuha sa kontrol ug posesyon gikan sa suspek maong nagkadaiyang pakete sa gituohang shabu nga mutimbang sa 4 ka gramo nga adunay kantidad nga P27,200 ka pesos.
Nakumpiska usab ang mga butang nga dili druga sa Php. 500.00 nga buy-bust money, usa ka pouch nga kolor yellow, usa ka unit sa Samsung cellular phone nga kolor itom nga adunay simcard,usa ka unit sa Yamaha NMAX nga motorsiklo nga adunay adunay yawe.
Ang maong suspek gipahibawo sa hinungdan sa iyang pagkasikop ug katungod sa konstitusyon ug ana-a kini karon sa kustodiya sa Dapitan CPS samtang nagpaabot sa pagpasaka ug kaso.
Samtang ang mga nakumpiska nga butang dad-on sa ZN Provincial Forensic Unit-9 alang sa Chemical Examination.(MEDALYN U. BORJA)
Source: ZNPPO