Balhog sa prisohan ang usa ka 37 anyos nga lalaki kinsa nag atubang sa kasong pag panglugos niadtong Hulyo 4, 2024 mga alas 3:30 ang takna sa kahapunon didto sa Poblacion, Jose Dalman, Zamboanga Norte.
Naila ang suspetsado nga si DIOMEDES GOMEZ HANGGAS, 37 anyos, lalaki, mag-uuma, ulitawo ug residente sa Brgy. Litalip, Jose Dalman, Ponot, Zamboanga del Norte.
Nasikop kini pinaagi sa pag serbe sa Warrant of Arrest sa kasong “Rape” nga gihimo sa mga personahe sa Dipolog CPS pinangulohan ni PLTCOL EDWIN D VERZON-COP uban ni Jose Dalman MPS, 1st ZNPFC, 901s RFMB9, SOU9 MG.
Ang kaso niini adunay Criminal Case No: 25877 nga giisyu ni HON. Nestor Rabulan Angeles, Presiding Judge, 9th Judicial Region, Branch 8, Dipolog City, Zamboanga del Norte pinetsahan Oktubre 18, 2022 ug walay pyansa nga girekomendar.
Ana-a na karon nagtingkagol sa prisohan ang suspek alang sa tukmang disposisyon.(Medalyn U. Borja)
(Source: Dipolog CPS)