Gi-respondihan sa mga personahe sa Bureau of Fire Protection sa Dapitan City Fire Station, ang usa ka Lalaking 35 anyos nga biktima sa nadisgrasyang Single Motor, didto sa Barangay Dawo, sa dakbayan sa Dapitan, niadtong nakalabay’ng adlaw, Setyembre 28, 2025.
Base sa pahayag nga giluwatan sa Bfp Dapitan, nga ang ilang gibuhat nga pagresponde, subay sa tawag nga midangat sa ilang buhatan, gamit ang cellphone sa usa ka Concern Citizen, kabahin sa nasangpit nga Vehicular Accident, maong dali dayon nila kining gi-respondihan, og sa ilang paghidangat sa lugar nahitabuan, ilang naabtan ang maong biktima nga naghigda sa nahisgutang lugar, diin kini adunay samad sa luyong bahin sa iyang Ulo, maingon man ang iyahang wala nga Abaga, wala nga Siko ug ang walang bahin usab sa iyang Teil.
Gipahigayonan dayon nila og First Aid ang nasangpit nga biktima, ug sa dihang ila ng napiho nga anaa na kini sa luwas nga kahimtang, gidala dayon kini ngadto sa tambalanan alang na sa iyang medikal nga panginahanglan.
Pahimangno sa Bfp Dapitan ngadto sa mga Motorista, nga kanunay’ng mag-amping sa ilang mga pagbyahe, ug likayan nga moinom og ilimnong makahubog kon kamo magdrive og sakyanan, aron malikayan ang unsa mang matang sa disgrasya, ug gi-awhagan ang mga katawhan, nga kon aduna may matang sa mga Emerhensiya sa inyong mga Lugar, itawag dayon kini ngadto sa ilang buhatan, pinaagi sa ilang mga Hotline Number, aron ila dayon kining marespondihan.(Julius Esmade)
Source: DAPITAN CITY FIRE STATION