Usa ka 35 anyos nga Lalaki kinsa nagpayuhot sa ilegal nga drugas ang na aresto sa gipahigayon nga Search Warrant sa mga personahe sa kapulisan.
Ang suspek naila nga usa ka 35 anyos, lalaki, ulitawo, walay trabaho ug residente sa Purok Dancing Lady, Brgy. Gulayon, Dipolog City, Zamboanga Del Norte.
Nasikop kini pinaagi sa Search Warrant sa mga personahe sa Dipolog CPS pinangulohan ni PLTCOL EDWIN D VERZON (Lead Unit) kauban ang RA-ZN RID 9 sa koordinasyon sa ZN PDEA 9, kasong paglapas sa Violation of RA 9165 with SW number 2024-22 nga giisyu ni Hon. Cherry Joy Concha-Ageas, RTC 9 Branch 10, Dipolog City nga giisyu niadtong Pebrero 23, 2024.
Nakumpiska atol sa Search Warrant sa pinuy-anan sa suspek mao ang Usa ka big size heat-sealed transparent plastic cellophane nga adunay sulod nga puti nga crystalline granules nga gituohang Methamphetamine Hydrochloride kon “shabu”, Upat ka piraso nga gagmay nga size heat-sealed transparent plastic cellophane nga adunay white crystalline granules nga gituohang “shabu”, Usa ka pencil case nga hinimo sa Tin nagsilbing sudlanan sa mga paraphernalia ug shabu , Usa ka pirasong kolor green nga plastic container nagsilbing sudlanan sa shabu.
Ang mga nasakmit nga gidudahang delikado nga drugas motimbang sa 4 ka gramos ug adunay standard nga presyo nga mobalor sa P27,200 ka pesos.
Ang mga nakumpiska nga drug items gi-turn over ngadto sa ZN Provincial Forensic Unit para sa qualitative ug quantitative examination.
Samtang ang suspek ana-a karon naka kustodiya sa Dipolog CPS alang sa tukmang disposasyon. (Medalyn U. Borja)
(Source: Dipolog CPS)