Wala na maka ikyas sa kamot sa mga tinugyanan sa balaod homan masikop sa gipahigayon nga drug buy-bust operation, ang usa ka 34 anyos nga street level individual (SLI) mga alas 9:00 sa gabii, niadtong Agosto 17, 2025, didto Little Green Village, Purok 6 Brgy. Sta Isabel, ning dakbayan sa Dipolog.
Ang dinakpan nga suspek naila nga usa ka lalaki, 34 anyos, ulitawo, glass installer, ug residente sa Purok 2, Brgy Sta Isabel, ning siyudad sa Dipolog.
Nasikop kini pinaagi sa mga personahe sa Dipolog CPS (SDET) ,(lead unit) kauban ang RDEU 9 uban sa koordinasyon sa PDEA 9.
Atol sa operasyon nasakmit gikan sa suspek ang Usa ka small sized heat-sealed transparent plastic sachet nga adunay sulod nga white crystalline granules nga gituohang “shabu” Isip buy bust evidence; Usa ka small sized heat-sealed transparent plastic sachet nga adunay sulod nga white crystalline granules nga gituohang “shabu” ang nakuha gikan sa kontrol ug possession sa suspek; Usa ka big sized heat-sealed transparent plastic sachet nga adunay sulod nga puti nga crystalline granules nga gituohang “shabu”; nakuha gikan sa kontrol ug paghupot sa suspek; Usa ka sa P1000-peso bill isip buy bust money ug Usa ka plastik nga transparent cellophane nagsilbing sudlanan
Gibana-bana ang nakumpiska nga drugas nga mutimbang sa 2 gramos ug adunay standard nga presyo nga mobalor sa P13,600.00.
Ang mga nakumpiska nga drug items itugyan sa ZDN Provincial Forensic Unit para sa eksaminasyon,samtang ang suspek anaa na sa kustodiya sa Dipolog CPS alang sa tukmang disposasyon.(Medalyn U. Borja)
Source: DIPOLOG CPS