Aron sa dugang pagpalig-on sa Mental Health ug Psychosocial Support (MHPSS) ang kagamhanang probinsyal sa Zamboanga del Norte, mopahigayon sa 3 ka adlaw nga Mental Health and Psychosocial Support and Psychosocial First Aide Training For City/Municipal /Hospital Social Workers karong umaabot Marso 14-16, 2023 dinhi sa Dipolog.
Kini subay sa liderato ni Governor Rosalina Jalosjos diin, kahibaloan nga numero uno sa talamdan sa iyang pangagamhanan ang serbisyo medikal alang sa mga taga Zamboanga del Norte.
Matud pa ni Mr. Rommel C. Jamolod, Nurse III ug DRRM-H Manager Designate  nga tumong sa maong 3 ka adlaw nga seminar aron sa pagamit sa squad cluster alang sa Disaster Risk Reduction Management in Health (DRRM-H).
Tinguha usab niini ang siguridad sa psychological interventions ug uban pang social considerations nga mamahimong epektibo nga mapaabot ngadto sa mga hingtungdan aron matabangan ug masuportaan ang mga apektado sa emerhensya, kalamidad kon katalagman.
(Source: Provincial Information Center Zanorte Facebook page)