Tungod sa panaghiusa ug tinabangay nga aksyon sa mga personahe sa Zamboanga de Norte 2nd Provincial Mobile Force Company (PMFC) ubos sa pangulohan ni PMAJ Bill Fernando P. Jumalon, OIC, malampuson nga natabangan ug nailayo sa peligro ang mga dugay nang nabiktima sa pagpanglimbong sa Communist Party of the Philippines (CPP)- New People’s Army (NPA).
Ang kalihokan naglatid sa paghatag kanila ug bag-ong higayon aron makapuyo og malinawon, ug mahimayaong kinabuhi layo sa impluwensya sa armadong grupo.
Isip kabahin sa padayon nga paningkamot sa ilang reintegrasyon sa katilingban, ang lokal nga pangagamhanan sa Leon B. Postigo, ubos sa masaligan nga liderato ni Mayor Runie O. Jamora, mipanguna sa pag pang apod-apod ug pagkaon ug kwarta nga tabang alang sa mga nailuwas nga indibidwal.
Kini nga inisyatibo nagpasabot sa lig-on nga panaghiusa tali sa PNP ug LGU aron mapalambo ang kalinaw, ug matuod nga serbisyo publiko, nga naghatag ug mensahe nga adunay kahayag ug paglaum alang sa mga gusto magsugod pag-usab sa ilang kinabuhi.(Iken B. Gullem)
Source: Zamboanga del Norte 2nd PMFC