Sa nagpadayong kampanya batok sa mga wanted person,usa ka malampusong joint law enforcement operation ang gihimo sa mga personahe sa nga misangpot sa pagkasikop sa usa ka pinangita sa balaod, Septiyembre 16,2025, didto sa Brgy. Patagan, Manukan, Zamboanga Del Norte.
Ang maong dinakpan naila nga usa ka lalaki ,29 anyos kinsa gi-aresto tungod sa kasong frustrated homicide.
Nasikop kini pinaagi sa mga personahe sa Manukan Municipal Police Station (MPS) uban sa mga personahe sa Police Station 5, Mandaue CPO, PRO7.
Kini nga malampuson nga operasyon nagpasiugda sa walay hunong nga pagpahinungod sa atong mga personahe sa pagwagtang sa kriminalidad ug sa pagpanalipod sa mga komunidad. (Medalyn U. Borja)
Source: Manukan MPS ZNPPO