Tingkagol karon sa prisohan homan masikop ang usa ka 24 anyos nga bag-ong nailhan nga Street Level Individual (SLI) atol sa gipatuman nga drug buy-bust operation mga alas 9:30 ang takna sa kagabhion niadtong Abril 10, 2026, sa Purok 6, Brgy.Sta Isabel, Dipolog City Zamboanga Del Norte.
Ang maong dinakpan naila nga 24 anyos,lalaki, ulitawo, Tatoo Artist, usa ka SLI ug residente sa Sitio Anahaw, Brgy Galas, Dipolog City, Zamboanga Del Norte kinsa gidakop pinaagi sa mga personahe sa Dipolog CPS (SDET) nga gipangulohan sa Chief Intelligence ubos sa direktang pagdumala sa Chief of Police sa Dipolog CPS (lead unit) uban sa RDEU 9 sa koordinasyon sa PDEA 9.
Atol sa operarasyon nakumpiska gikan sa dinakpan mao ang Usa ka gamay nga heat-sealed transparent plastic sachet nga adunay sulod nga puti nga crystalline granules nga gituohang “shabu” isip ebidensya sa buy bust, Duha ka piraso sa gamay nga heat-sealed transparent plastic sachet nga adunay sulod nga puti nga crystalline granules nga gituohang “shabu” nga nakuha gikan sa kontrol ug posesyon sa mga suspek, Usa ka piraso nga bukas nga plastik nga cellophane ang gigamit nga sudlanan.
Usa ka piraso sa 500 peso nga kwarta nga gigamit isip buy-bust money, Usa ka piraso nga Baynte Peso nga sensilyo.
Gibana-bana nga motimbang sa 2 gramos ang gibug-aton sa nakumpiskang ilegal nga drugas nga adunay kantidad nga PHP 13,600;
Ang mga nakumpiskang droga itugyan ngadto sa ZDN Provincial Forensic Unit alang sa eksaminasyon, samtang ang nadakpang suspek anaa ubos sa protective custody sa Dipolog CPS alang sa hustong disposisyon.(MEDALYN U. BORJA)
Source: Dipolog CPS