Sikop ang usa ka 21 anyos nga college student pinaagi sa pag serbe sa warrant sa mga personahe sa kapulisan mga alas 10:20 ang takna sa buntag niadtong Abril 7, 2026, didto detention facility sa Dipolog City Police Station, Barangay Sta. Isabel.
Ang maong dinakpan nga estudyante naila nga si alyas “Ren” 21-anyos, lalaki, ulitawo, college student, nailhang wanted person ug residente sa Purok 4, Barangay Dampalan, Sergio Osmeña, Zamboanga del Norte kinsa gidakop pinaagi sa pag serbe sa warrant of arrest kalabot sa Simultaneous Anti-Criminality Law Enforcement Operation (SACLEO), tungod sa paglapas sa Section 4(a) sa Republic Act 9995 (Anti-Photo and Video Voyeurism Act of 2009), nga gi-isyu niadtong Marso 31, 2026 sa Presiding Judge sa Family Court, 9th Judicial Region, Branch 3, Dipolog City, nga adunay girekomendar nga piyansa nga P42,000.00 alang sa temporaryong kagawasan.
Ang dinakpan anaa karon sa kustodiya sa Dipolog City Police Station alang sa hustong disposisyon.(MEDALYN U. BORJA)
Source: ZNPPO