Gisaulog sa lokal nga panggamhanan ang 2025 National Celebration of Elderly Filipino Week nga adunay temang “Embracing Age: Living a Life with Dignity and Purpose” nga gipahigayon sa Roxas gymnasium, Zamboanga del Norte kaniadtong Oktubre 13, 2025.
Ang maong kalihokan nagtinguha sa pagpasidungog sa kusog, kaalam, ug bililhon nga kontribusyon sa mga senior citizens sa komunidad ddin ang pagkatigulang dili usa ka pagkunhod, kundili usa ka matahum nga paglalang sa padayon nga pagtubo, katuyoan, ug dignidad.
Gihulma usab sa maong kalihokan ang pag-ila sa mga tigulang ingon nga mga magtutudlo, magtatambag, ug haligi sa panimalay ug katilingban, nga angay pasidunggan pinaagi sa tibuok kasingkasing nga respeto ug suporta.
Ang kalampusan sa selebrasyon gipangulohan sa Municipal Social Welfare and Development Office (MSWDO) uban sa suporta ni Ginoong Alfeo Del Rosario Bubutan, nga nailhan tungod sa iyang pagmabungahon alang sa kaayohan sa sektor sa mga tigulang.
Dako usab ang pasalamat kang Municipal Mayor Hon. Ismael Rengquijo Jr. alang sa iyang padayon nga pagpangulo ug suporta sa maong kalihokan.
Ang pag-obserba sa Elderly Filipino Week nagdasig sa tibuok katilingban sa pagtukod ug komunidad nga nagahatag bili, ug nagapalig-on sa matag Pilipino.(Iken B. Gullem)
Source: Roxas ZamboNorte