Nagpahigayon og leaflet distribution campaign ang mga personnel sa 1st Zamboanga del Norte Provincial Mobile Force Company sa nagkalain-laing barangay aron mapataas ang kahibalo sa publiko batok sa iligal nga droga ug mapalambo ang mga programa sa National Task Force to End Local Communist Armed Conflict.
Gipangunahan ni Police Lieutenant Colonel Ryan Jay R. Capurcos, Force Commander sa 1st ZNPMFC, ang maong kalihokan nga nagtumong sa pag-edukar sa komunidad kabahin sa daotang epekto sa iligal nga droga ug pagdasig sa publiko sa pagsuporta sa kalinaw, kahapsay, ug kalamboan sa ilang lugar.
Padayon ang 1st ZNPMFC sa pagpalig-on sa panagtambayayong sa komunidad pinaagi sa mga information ug awareness campaign aron mapalambo ang usa ka mas luwas ug mas maalamong katilingban.(JENIFFER JR. DELICA)
Source: Zamboanga del Norte 1st Provincial Mobile Force Company