Nagtigum ang mga nagkalain-laing stakeholders sa Salug human ang Municipal Advisory Committee (MAC) nagpahigayon sa ilang 1st Quarter Meeting ubos sa pagpanguna ni Municipal Mayor Dr. Ruth M. Brillantes, aron hisgutan ang mga updates, mga nahimo, ug mga prayoridad nga programa sa lungsod.
Sa maong miting, gipasiugda ang kahimtang sa kasamtangang mga proyekto ug mga lakang nga angay buhaton aron mas mapalambo ang serbisyo publiko. Nahimo usab kini nga plataporma sa paghisgot sa mga nag-unang isyu sa komunidad ug sa pagpalig-on sa panagtinabangay tali sa lokal nga panggamhanan ug uban pang sektor.
Nagbahin usab ang mga partisipante sa ilang mga suhestiyon ug rekomendasyon aron mas mapauswag ang nagpadayon ug umaabot nga mga inisyatibo sa lungsod.
Pinaagi sa giya ni Mayor Brillantes ug sa hiniusang paningkamot sa tanang miyembro, magpadayon ang komite sa pagsuporta sa mga programa nga nagtinguha sa kaayohan ug kalamboan sa komunidad.(IKEN B. GULLEM)
Source: Municipality of Salug