Malampuson nga gipahigayon sa Sindangan District Jail pinaagi sa koordinasyon sa PHILSYS Registration Assistants Ma’am Maribeth P. Candoy ug Sir Joren B. Estera, ang on-site PHILSYS National ID registration alang sa 18 ka male Persons Deprived of Liberty (PDL).
Gipahigayon ang aktibidad sa multipurpose cell sa pasilidad, ubos sa pagdumala ni Acting Warden JINSP Rolly L. Paner, nga midayeg sa kahinungdanon sa maong lakang alang sa mga PDL, ilabina kini usa ka timaan nga ang serbisyo publiko kinahanglan maabot bisan sa pinakapihit nga lugar.
Gisuportahan usab ang kalihukan ni Development Officer JO1 Chewlyn P. Pamisa ug mga miyembro sa custodial staff, nga nagtabang sa paghan-ay sa hapsay nga dagan sa proseso, lakip na ang pag-andam sa lugar, pagpang-organisa sa PDL, ug pagmonitor sa seguridad atol sa tibuok kalihukan.
Ang Sindangan District Jail nagpadayag sa ilang padayon nga paningkamot sa paghatag ug makatawhanong serbisyo ngadto sa mga PDL pinaagi sa pagdala mismo sa mga essential government services ngadto sa sulod sa pasilidad.(IKEN B. GULLEM)
Source: Sindangan District Jail
