Gihatagan og 10-kilo nga bugas ang 1,459 ka panimalay sa Barangays Taguilon ug Sto. Niño niadtong, isip kabahin sa padayong pagpatuman sa Local Government Support Fund (LGSF) Rice Distribution Program sa Dapitan City.
Nagtumong ang programa sa paghatag og direktang food assistance ngadto sa mga panimalay ug pagtabang sa pagpagaan sa ilang adlaw-adlaw nga gasto sa pagkaon.
Sa Barangay Taguilon, 842 ka panimalay ang nakadawat sa ilang rice allocation. Kini naglakip sa 167 ka panimalay sa Purok Bayanihan (Upper ug Lower), 98 sa Purok Gemelina, 61 sa Purok Lactusan, 255 sa Purok Bagong Silang, 117 sa Purok Lipata, ug 144 sa Purok Balao.
Samtang, 617 ka panimalay sa Barangay Sto. Niño ang nakadawat usab og 10 ka kilo nga bugas. Kini naglangkob sa 208 ka panimalay sa Purok Lucas, 60 sa Purok Linabo, 146 sa Purok Patag/Tabiong, 53 sa Purok Lamatic, 60 sa Purok Baclay, 30 sa Purok Tangi, ug 60 sa Purok Plasanan.
Gipasiugda nga bisan 10 ka kilo lamang ang alokasyon matag panimalay, dako gihapon kini nga tabang alang sa mga pamilya nga nagdumala sa limitado nga badyet alang sa pagkaon. Ang maong assistance makatabang sa pagpakunhod sa gasto ug paghatag og temporaryong kahupayan sa mga benepisyaryo.
Kabahin usab kini sa programa sa City Government of Dapitan aron mas mapa-access ug mapatuman sa tukmang panahon ang mga serbisyo nga nagtubag sa panginahanglan sa mga Dapitanon.
Ang programa gipangulohan ubos sa administrative supervision ni OIC City Administrator Danilo S. Areños, Jr., samtang ang on-site distribution gipangulohan ni Iolus Edgar Adasa, Programs and Services City In-Charge ug Community Affairs Officer sa City Mayor’s Office.(IKEN B. GULLEM)
Source: Dapitan City Government