Mutimbang sa usa ka gramo sa ilegal na drugas ang malampusong nakumpiska sa mga personahe sa kapulisan gikan sa usa ka drug suspek atol sa gipahigayon nga buy-bust operation niadtong Septiyembre 9,2026,didto sa Barangay Guinles, Polanco, Zamboanga del Norte.
Ang maong ilegal na drugas nga nakuha gikan sa nasangpit nga drug suspek gituohang nagkantidad sa P6,800.
Ang pagkadakop sa drug suspek ug pagkasakmit sa drogang shabu gihimo pinaagi sa Polanco Municipal Drug Enforcement Team (MDET).
Kining malampusong operasyon nagpakita sa walay hunong nga dedikasyon sa atong mga personahe sa pagpuo sa ilegal nga droga ug pagpanalipod sa atong komunidad.(MEDALYN U. BORJA)
Source: PNP Polanco Municipal Police Station