Atol sa 3rd Provincial Organic Agriculture Congress, gihimo ang Lutong Bahay sa Kusina ni Nanay Cooking Contest nga nakuha ang unang pwesto sa Aseniero Sustainable Agriculture Farmers Association sa ilang Ginataang Gulay, ning dakbayan sa Dipolog Oktubre 16 sulod sa Zamboanga del Norte Convention and Sports Center.
Samtang ang 2nd Β Place nakuha sa Dilawa Subanen Farmers Association sa ilang Halang-Halang Native Chicken with Balani, 3rd Β Place nakuha sa Sianan Farmers Association ug ang 4th place nakuha sa Head Tipan Farmers Association sa ilang Bola-Bolang Talong. Nasayran nga ang pagpahigayon sa Lutong Bahay sa Kusina ni Nanay Cooking Contest kini aron mapakita ang pag-gamit sa mga organikong produkto nga makuha sa ilang umahan.
Ang Luton Bahay sa Kusina ni Nanay usa sa program nga gihimo sa Office of the Provincial Agriculture para ipa-ugmad ang produktong agrikultura ug pagpalambo sa paggamit sa mga sangkap pangluto nga pwede makuha ug magamit sa mga tanaman sa tugkaran o sa mga umahan sa mga mag-uuma sa probinsya. Subay sab niini nga program ang pagpalawig sa inisyatiba sa programang pang nutrisyon pinaagi sa agrikultura.
Ang 3rd Provincial Organic Agriculture Congress gitambungan kini sa 300 ka mga mag-uuma nga misagup sa organikong pagpanguma sa probinsya sa Zamboanga del Norte ug gipasiugdahan sa kagamhanang probinsyal pinaagi sa Office of the Provincial Agriculturist.
Source: PROVINCIAL INFORMATION CENTER