Kapin ₱6.2 milyon nga ayuda pinaagi sa Tulong Panghanapbuhay sa Ating Disadvantaged/Displaced Workers o TUPAD ang gipagawas sa Department of Labor and Employment-Zamboanga del Norte Field Office alang sa mga benepisyaryo sa nagkadaiyang bahin sa probinsya niadtong Septiyembre 14,2026.
Ang maong ayudad kabahin sa 2026 Handog ng Pangulo, diin ₱4.7 milyon ang nadawat sa mga benepisyaryo gikan sa Districts 1 ug 2 nga gipagawas sa Dipolog City, samtang ₱1.5 milyon ang gitagana alang sa District 3 sa Liloy.
Pinaagi sa maong programa, gipalapdan sa DOLE ang paghatag og temporaryong trabaho ug pinansyal nga suporta ngadto sa mga Zanortehanon nga nanginahanglan og tabang sa panginabuhian.
Sumala sa DOLE-ZDNFO, padayon ang ahensya sa pagdala sa mga programa sa trabaho ug social protection ngadto sa mas daghang komunidad sa probinsya, ubos sa pagpangulo ni DOLE Secretary Francis N. Tolentino ug DOLE-ZDNFO Chief Elamsalih E. Ungad.
Gipasiugda sa opisina nga ang TUPAD usa sa mga mekanismo aron dali nga maabot sa gobyerno ang mga mamumuo ug pamilyang nanginahanglan og temporaryong panginabuhian.(MEDALYN U. BORJA)
Source: DOLE IX- Zamboanga del Norte Field Office