Dakpan ang usa ka 36 anyos nga lalaki atol sa gikasa nga buy-bust operation sa mga personahe sa kapulisan didto sa Barangay Manaol, Siocon, Zamboanga del Norte, niadtong Septiyembre 12,2026.
Ang maong dinakpan naila nga si alyas “Dondon,” kinsa gidakop pinaagi sa Siocon Municipal Police Station (MPS),pinaagi sa Station Drug Enforcement Team (SDET)ug sa koordinasyon sa PDEA9 uban ang partisipasyon sa
2nd Zamboanga del Norte Provincial Mobile Force Company,tungod sa paglapas sa R.A. No. 9165, o ang Comprehensive Dangerous Drugs Act of 2002.
Atol sa operasyon narekober gikan sa dinakpan ang nagkadaiyang pakete sa gituohang shabu nga adunay gibanabanang kinatibuk-ang gibug-aton nga duha (2) ka gramo, ug gibanabanang kantidad nga ₱13,600.00.
Ang mga nakumpiskang butang husto nga gimarkahan, gi-imbentaryo, gidokumento, ug giduso alang sa laboratory examination ug tukmang disposisyon.
Samtang ang suspek anaa karon sa kustodiya sa Siocon MPS ug atubangon ang tukmang legal nga mga proseso.(MEDALYN U. BORJA)
Source: Siocon Municipal Police Station