Dipolog: π— π—šπ—” π—£π—˜π—₯π—¦π—’π—‘π—”π—›π—˜ 𝗦𝗔 π——π—œπ—£π—’π—Ÿπ—’π—š π—–π—œπ—§π—¬ π—£π—’π—Ÿπ—œπ—–π—˜ π—¦π—§π—”π—§π—œπ—’π—‘,π—šπ—œπ—£π—”π—‘π—šπ—¨π—‘π—”π—›π—”π—‘ π—”π—‘π—š π— π—”π—Ÿπ—”π— π—£π—¨π—¦π—’π—‘π—š Β π—•π—Ÿπ—˜π—¦π—¦π—œπ—‘π—š π—¨π—š 𝗧𝗨π—₯𝗑-π—’π—©π—˜π—₯ 𝗦𝗔 π—•π—”π—š-π—’π—‘π—š 𝗣𝗨𝗬-𝗔𝗑𝗔𝗑 𝗦𝗔 𝗨𝗦𝗔 π—žπ—” π—£π—”π— π—œπ—Ÿπ—¬π—” π—‘π—šπ—” π—•π—˜π—‘π—˜π—£π—œπ—¦π—¬π—”π—₯𝗬𝗒 𝗦𝗔 𝗔 𝗗𝗒𝗣𝗧 𝗒𝗙 π—™π—”π— π—œπ—Ÿπ—¬ π—‘π—šπ—” π—œπ—‘π—¦π—¬π—”π—§π—œπ—•π—” 𝗦𝗔 𝗣𝗨π—₯π—’π—ž 𝟭,𝗕π—₯π—šπ—¬.π—–π—’π—šπ—’π—‘ π——π—œπ—£π—’π—Ÿπ—’π—š

    By
    RPN
    -
    0
    8

    Gipangunahan sa mga personahe sa kapulisan sa Dipolog City Police Station ang malampuson ug makahaulagonang Blessing ug Turn Over sa bag-ong puy-anan sa usa ka pamilyang benepisyaryo sa Adopt a Family nga inisiyatiba sa atong mga personahe sa kapulisan, didto sa Purok 1,Brgy.Cogon ning dakbayan Dipolog, kaniadtong Abril 17,2026.

    Ang maong malampusong kalihokan gihimo sa pagpanguna nila ni PCAPT. DARYL H SAMONTE, CAD Officer sa Dipolog CPS sa pagpangulo ni PLTCOL KHISNA B ASAALI,Chief of Police sa Dipolog City Police Station nga girepresentahan ni PCAPT ROEL L. TALAID, Deputy Chief of Police sa Dipolog CPS, uban sa pakigtambayayong sa mga Barangay officials sa Cogon pinaagi ni Barangay Captain PAQUITO L. PAΓ‘O, Barangay Councilor JOEL MIRAFUENTES ug mga stakeholders.

    Kini nga kalihokan nga nagdala sa tema nga “Bagong Buhay, sa Bagong Bahay”, usa ka inisiyatiba nga gipalig-on ug mas gipakusgan sa atong mga personahe sa kapulisan diin kini naghatag ug bag-ong kapasilungan ug paglaom sa usa ka pamilyang nawad-an ug puy-anan tungod sa insedente sa sunog nga nahitabo kaniadtong milabay nga buwan sa Pebrero ning kasamtangang tuig.

    Kahibaloan nga ang nahitabong sunog miugdaw sa panimalay sa nasangpit nga pamilya kinsa mao ang nahimong benepisyaryo niini nga programa nga mao sila si Mr. Virgilio B. Tejamo ug ni Ms. Ginalyn R. Lisondra,kinsa emosyonal nga mipaambit sa ilang kasinatian ug kinasing-kasing nga pasalamat sa tabang.

    Dili lang sa pinanyal ug pagkaon apan lakip usab ang gitugyan kanila nga bag-ong puy-anan alang sa bag-ong pagbukas sa ilang bag-ong pagkinabuhi nga kundili tungod sa paningkamot ug inisiyatiba sa mga personahe ug sa mga niaabag niini nga inisiyatiba dili kini mahimong posible.

    Sa samang higayon, mipadayag sa iyang mensahe si PCAPT TALAID, ngadto sa mga nagpaluyo ug mitabang dili lang ngadto sa mga personahe sa PNP apan lakip usab ang mga opisyales sa Barangay Cogon ug stakeholder sa paghatag sa ilang inisiyatiba aron mahimong malampusong ang programa.

    Niining programa,sa maka-usa napamatud-an pag usab sa atong mga personahe sa kapulisan nga ilang serbisyo dili lang sa paghatag seguredad ug kalinaw sa komunidad ,kundili usa usab ka pagpalig-on ug pagpadayon sa ilang senseridad sa pagtabang, pagbati ug kaluoy ngadto sa komunidad nga nagkinahanglan.

    News and photo by: MEDALYN U. BORJA