CAMP MIRANDA, Camarines Sur — Sa isang makapangyarihan at estratehikong operasyon laban sa ilegal na droga, matagumpay na naisakatuparan ng “KAOGMA Cops” ang isang high-impact buy-bust operation bandang 10:22 ng umaga noong Abril 18, 2026 sa Zone 2, Brgy. Maydaso, Milaor, Camarines Sur, na nagresulta sa pagkakaaresto ng isang 31-anyos na suspek na kilala sa alyas na “Alex.” Ang naturang operasyon ay pinangunahan ng Regional Police Drug Enforcement Unit 5 (RPDEU5) katuwang ang iba pang law enforcement units, na muling nagpatunay ng kanilang walang humpay at matinding kampanya kontra ilegal na droga.
Sa gitna ng planado at presisyong operasyon, nahuli ang suspek matapos nitong bentahan ng isang heat-sealed plastic sachet na naglalaman ng tinatayang 25 gramo ng hinihinalang shabu ang isang police poseur-buyer kapalit ng halagang Php 55,000.00. Ang agarang search na isinagawa kasunod ng legal na pag-aresto ay nagbunga pa ng pagkakarekober ng karagdagang 105 gramo ng hinihinalang shabu, na may kabuuang timbang na 130 gramo at tinatayang halaga na Php 884,000.00 batay sa Standard Drug Price—isang malinaw na indikasyon ng malawakang operasyon ng ilegal na droga sa lugar.
Isinagawa ang maingat na pagmamarka at imbentaryo ng mga ebidensya sa mismong lugar ng transaksyon sa presensya ng suspek at mga kinatawan mula sa media at iba pang insulating witnesses, habang dalawang Alternative Recording Devices (ARDs) ang ginamit upang matiyak ang integridad at transparency ng buong operasyon. Ang suspek ay kasalukuyang nasa kustodiya ng Milaor Municipal Police Station para sa kaukulang disposisyon at pagsasampa ng kaso sa paglabag sa RA 9165.
Samantala, binigyang-diin ni PCOL Virgilio O. Olalia Jr., Provincial Director ng Camarines Sur Police Provincial Office, ang walang patid na dedikasyon ng kapulisan sa pagsugpo ng ilegal na droga. Ayon sa kanya, “Ang tagumpay na ito ay sumasalamin sa ating mas pinaigting, mas matalim, at mas sistematikong kampanya laban sa droga. Hindi tayo titigil—ang bawat operasyon ay hakbang patungo sa mas ligtas, mas maayos, at mas progresibong komunidad para sa bawat mamamayan ng Camarines Sur.”
Source: Camsur PPO