1st Infantry Division Commander, mi-courtesy call kang Gov. Jalosjos Mibisita ug mi-courtesy call karong hapon, Pebrero 27, 2025, sa buhatan ni Governor Rosalina βNanay Neneβ Jalosjos si 1st Infantry Tabak Division Commander, Brig. Gen. Gabriel Viray III, kinsa giabi-abi ni Acting Provincial Administrator, Mr. Levy Lagutin Jr.
Tumong ug tuyo ni BGen. Viray sa pagbisita sa kapitolyo nga ipaabot ang iyang pasalamat sa suportang gilugway sa kagamhanang-probinsyal sa tropang nakabase dinhi sa lalawigan, partikularmente sa 97th Infantry Battalion ilalom sa kamanduan ni Lt. Col. James Sanz nga nakabase sa Del Pilar, PiΓ±an, Zamboanga del Norte.
Tipik sa nahisgutan sa ilang panagtagbo ang kahimtang sa kahusay ug kalinaw dinhi sa Zamboanga del Norte ug ang ilang pagpangandam aron masiguro ang hapsay ug malinawon nga pagpahigayon sa umaabot nga nasudnon ug lokal nga piniliay karong umaabot nga Mayo 12, 2025.
Isip pagtimaan sa ilang pag-ila sa suportang gihatag ni Governor Jalosjos kanila, gitunol ni BGen. Viray kang Provincial Administrator Lagutin ang Plaque of Appreciation. (Angelica T. Obina)
( Source: PIC)