Sa usa ka lig-on nga pagpamatuod sa ilang tinuod nga dedikasyon sa kaluwasan sa publiko ug pagpasiugda sa balaod, gipahibawo sa Regional Police Office 7 (PRO7) ang malampusong pagdakop sa 702 ka wanted persons sa tibuok bulan sa Pebrero.
Si PBGen Redrico Maranan, Regional Director sa PRO7, mipasabot nga kini nga kadaugan usa ka pagpamatuod sa ilang lig-on nga paningkamot sa pagpalig-on sa balaod ug pagsiguro nga ang hustisya magpadayon.
Tungod sa tinukod nga operasyon sa PRO7, malampusong nasikop ang mga suspetsado nga nagkalain-laing kasoβgikan sa gagmay nga kalapasan hangtod sa seryosong mga krimen.
Sukad Pebrero 1 hangtod 28, 2025, ang PRO7 Tracker Teams nakahimo og 687 ka operasyon nga nagresulta sa pagdakop sa 81 ka most wanted persons, samtang 621 pa ang nadakpan sa ubang mga kaso.
Sa total nga nadakpan, 19 ang nalakip sa regional list, 30 sa provincial level, 9 sa city level, 21 sa municipal level, ug 2 sa station level.
Gihangyo niya ang publiko nga magpabiling mabinantayon ug aktibong mohatag og impormasyon kabahin sa mga wanted persons.
Dugang pa niya, adunay himiusang responsibilidad ang PRO7 sa pagsiguro sa kaluwasan sa katawhan. Matod pa, ang Central police force magpadayon sa ilang misyon sa pagpasiugda sa balaod ug pagpanalipod sa mga katawhan batok sa mga criminal nga lihok. (Renante Socia Lada)
(Source: PRO7-PIO)