Malipayong giabe-abe ni Deputy Speaker Bambi Emano si Bureau of Customs – Region 10 District Collector Atty. Manuel O. Zurbito, Jr. sa iyang pagbisita sa buhatan sa Kongresista sa House of Representatives sa Quezon City, Lunes, Enero 26, 2026.
Sa maong okasyon, nalakbitan sa panagpulong ni Cong. Bambi ug Atty. Zurbito ang maayong kahimtang karon sa BOC-10 kalabot sa koleksiyon sa ahensiya ug unsaon nga mapalambo pa kini.
Lakip sa nahisgotan ang pagpalambo sa serbisyo sa mga pantalan nga sakop sa BOC-10, hilabina ang Mindanao Container Port sa Tagoloan, Misamis Oriental, nga matud sa taho kang Cong. Bambi, adunay paghuot sa maong pantalan hinungdan nga misaka ang balayrunon sa storage fees sa mga importers.
Hinuon, gipasalig ni Atty. Zurbito nga masulbad ra kini samtang kamulo na sila karon sa ilang port decongestion.