Nasikop sa mga operatiba sa Mati City Police Station (Mati CPS) ang upat ka indibidwal atol sa anti-illegal gambling operation nga gihimo alas 2:50 sa hapon niadtong Hunyo 6, 2026, sa Gimini Terminal, Madang, Barangay Central, Mati City.
Ang operasyon gipangulohan ni PCPT Ariel A. Ismael, Deputy Chief of Police, ubos sa pagdumala ni PLTCOL Frederick C. Sa-ao, Acting Chief of Police, isip kabahin sa padayon nga kampanya sa kapulisan batok sa ilegal nga sugal ug uban pang kalapasan sa balaod.
Atol sa operasyon, nasakpan ang mga suspek nga nagdula sa ilegal nga sugal nga nailhang βPiyat-Piyat.β Narekober usab gikan sa lugar ang usa ka deck sa baraha, usa ka kahoy nga lamesa nga gigamit sa maong kalihokan, ug kantidad nga P170.00 nga gituohang gambling proceeds.
Human sa ilang pagdakop, gipahibalo ang mga suspek sa ilang mga katungod ug sa hinungdan sa ilang pag-aresto sa pinulongang ilang nasabtan.
Ang mga nadakpan ug mga nakompisar nga ebidensya gidala dayon sa Mati CPS alang sa hustong dokumentasyon ug pag-andam sa kasong paglapas sa Presidential Decree No. 1602 o ang Illegal Gambling Law. .(Camille Santos Naraga)(Source: Contributed)