Davao del Norte — Nasiplatan sa mga sakop sa Bantay Dagat ang usa ka butanding (whale shark) sa Panabo Mariculture Park, JP Laurel, Panabo City, kagahapon, Enero 13, 2026.
Sumala sa City Agriculturist Office, nakita ang butanding atol sa scheduled feeding sa cultured milk fish (bangus) sa fish cages sa maong lugar. Nakuha usab og hulagway ang hayop aron dokumentuhan ang katingalahang panghitabo.
Gipahimangnoan ang publiko nga magmatngon ug mag-obserbar og husto nga distansya aron maprotektahan ang hayop ug malikayan ang peligro sa mga tawo.(Camille Santos Naraga)(Source: Contributed)