Miduaw si Vice President Sara Duterte sa Balut Island sa Davao Occidental niadtong Hunyo 21 aron personal nga tan-awon ang kahimtang sa mga residente nga naapektuhan sa miaging linog.
Atol sa iyang pagbisita, giadto niya ang mga naangol nga padayon pang nagpaayo sa Sarangani Municipal Hospital ug ang mga evacuee nga nagpabilin sa Mabila Central Elementary School, nga karon nagsilbing temporaryong evacuation center alang sa mga pamilyang napahawa sa ilang mga panimalay.
Sa pahayag nga iyang gipatik sa Facebook, gipadayag ni Duterte ang iyang pakigduyog sa mga pamilyang namatyan tungod sa maong kalamidad. Giawhag usab niya ang mga naluwas nga magpabiling lig-on ug magpadayon sa pag-ampo samtang nagbangon gikan sa trahedya.(Camille Santos Naraga)(Source: VP Sara FB page)