DAVAO CITY — Gipaambit ni Atty. Israelito Torreon, usa sa mga legal counsel sa pamilya Duterte, ang mga hulagway gikan sa lubong ni Benjamin “Bong” Duterte, ang kamanghuran nga igsoon sa kanhi Pangulong Rodrigo Duterte.
Si Bong Duterte namatay niadtong Biyernes, Pebrero 6, 2026, sa edad nga 71 anyos, ug gilubong niadtong Huwebes sa hapon, Pebrero 12, sa Roman Catholic Cemetery sa Davao City.
Mitambong sa lubong si Bise Presidente Sara Duterte, kauban ang iyang magulang nga si Davao City First District Representative Paolo Duterte, ilang ig-agaw nga si PPP Party-list Representative Harold Duterte, Davao del Norte Governor Edwin Jubahib, ug si Atty. Torreon nga miapil usab sa seremonya.