Davao City – Arestado ang usa ka aircon technician human ang gikasang drug buybust operation sa mga sakop sa kapulisan sa Golden Hills Phase 3 barangay Panacan.
Giila ang dinakpan nga si Jonard Ojanola 31-anyos ug residente sa maong lugar.
Sumala sa report, atol sa operasyon nakuhaan ang suspek ug usa ka pakete sa gituuhang shabu ug pistola.
Nakuha usab sa suspek ang laing 6 ka mag sachet, .45 nga pistola colt, M19, usa ka .38 revolver, .45 pistol colt, 3 ka mga empty magazine, 18 ka mga bala ug drug paraphernalia.
Ang giingong shabu mutimbag sa 12.32 grams ug mokantidad sa kapin P83, 776 pesos. (Camille Santos Naraga)
(Source: DCPO)